【台語字版】石虎的夜宴

前言

因為自己台語很破，決定練一下台語字，故拿之前寫的這篇短文祭旗～～哦不，是練習～～～邊念出聲音邊寫，好好玩，例如：「巨無霸小黑蚊」翻譯為「天霸王烏西蠓」（發音thian-pà-ông o͘-se-báng ），很傳神的，有沒有~~~ 😆

P.S. 台語不好，可能有錯，歡迎路過的高手指正，救救破台語。

正文開始

(tsiànn-bûn khai-sí )

---

山裡的蠓蟲真濟，文馨吐一喙氣。

(suann--lí –ê báng-thâng tsin tsè, bûn hing thóo tsi̍t tshuì khuì.)

為著畫畫，姑不而將只好忍了。

(uī-tio̍h uē uē, koo-put-jî-tsiong tsí-hó lím liáu.）

誰叫伊合意畫畫咧！

(siáng kiò i kah-ì uē uē –leh.)

揹起行李去山裡寫生的文馨，一面予天霸王烏西蠓咬，一面佇咧攪色盤仔攪油彩，心內的小天使正恬恬咧哀。

(Phāinn khí hîng-lí khì suann—lí siá-sing –ê bûn hing, tsi̍t-bīn hōo thian-pà-ông o͘-se-báng kā, tsi̍t-bīn tī-leh kiáu-sik-puânn-á kiáu iû tshái, sim-lāi–ê sió thian-sú tsìng tiām tiām ai)

忽然間，一粒柴檑落在伊的頭殼頂。

(hut-jiân　kan, tsi̍t lia̍p chhâ-lû lo̍h-chāi i –ê thâu-khak-téng.)

紲落去，又一粒，閣一粒……

(sòa-lo̍h-khì, iū tsi̍t lia̍p, koh tsi̍t lia̍p......)

是安怎？！

(sī an-chóaⁿ?!)

想專心寫生真困難。

(siūnn tsuan-sim siá-sing tsin khùn-lân.)

文馨攑頭，一隻像貓仔的動物伏佇咧樹頭，對著伊露出創治的笑容。

(bûn hing gia̍h-thâu, tsit tsiah tshiūnn niau-á –ê tōng-bu̍t ho̍k tī-leh　chhiū-thâu, tùi-tio̍h 　i lōo-tshu̍t chhòng-tī –ê chhiò-iông)

莫問伊為啥物會使由一隻動物的面色看出這是創治的笑容，彼表情真正是傷明顯咧。

(mài mn̄g i ūi-siáⁿ-mi̍h ē-sái iû tsit tsiah　tōng-bu̍t –ê bīn-sik khuànn-tshut tse sī chhòng-tī –ê chhiò-iông, he piáu-tsîng tsin-tsiànn sī siunn bîng-hián --leh.）　

文馨氣怫怫喝頭，「喂，臭貓仔，莫攪擾我畫畫好否！」

(bûn hing khì-phut-phut hat-thâu, " --eh, tshàu niau-á, mài kiáu-jiáu guá uē uē hó-bò͘!")

「嗷，戇人類，我毋是貓仔，我是石虎！」自稱是石虎的動物驕傲攑起頷頸。」

(" ka̍uh, gōng　lîn-luī, guá m̄ sī　niau-á, guá sī tsio̍h-hóo!" tsū-tshing sī tsio̍h-hóo –ê tōng-bu̍t kiau-ngōo gia̍h　khí　ām-kún.)

文馨孜孜相，伊親像真毋是貓仔啊……

(bûn hing chu-chu-siòng, i tshin-tshiūnn tsin m̄ sī niau-á --ah......)

「好啦，石虎，莫攪擾我畫畫矣！」

( hó-là, tsio̍h-hóo, mài　kiáu-jiáu　guá　uē uē　--ah!)　

「人類，莫畫咧，你來予我鬥跤手!」

(lîn-luī, mài uē leh, lí lâi　hōo　guá　tàu-kha-tshiú!)

……

原來下暗有幾若個石虎欲來做客，為此眼前這箍需要籌備一場盛大的宴會。

(guân-lâi e-àm ū kúi-nā-ê tsio̍h-hóo beh lâi tsò-kheh, uî tshú gán-tsiân chit-kho͘ su-iàu tiû-pī tsit tiûnn sīng-tāi –ê iàn-huē.)

石虎毋是獨來獨往呢？文馨青疑。

(tsio̍h-hóo m̄ sī to̍k lâi to̍k óng nih? bûn hing chhiⁿ-gî.)

猶毋過這年頭連獨居的北極熊攏會使大批聚集入侵俄羅斯村莊，石虎辦一個聚會嘛袂奇怪乎？！

(iáu-m̄-koh tse nî-thâu liân to̍k-ku --ê pak-ki̍k hîm lóng ē-sái tuā-phue tsū-tsi̍p ji̍p-tshim gô-lô-su tshuan-tsng, tsio̍h-hóo pān tsit ê tsū-huē mā buē kî-kuài --honnh?!)

新聞有講，石虎是保育類珍貴的生物，得欲絕種啊……

(sin-bûn ū kóng, tsio̍h-hóo sī pó-io̍k luī tin-kuì –ê sing-bu̍t, tit-beh che̍h-chéng ah......)

雖然講眼前這箍態度無啥客氣，一點仔請人鬥參仝的自覺嘛無，文馨徛佇莫共珍貴物種窮分的想法，決定做一擺好人。

( sui-jiân kóng gán-tsiân chit-kho͘ bô-siánn kheh-khì, tsit-tiám-á tshiánn lâng tàu-sann-kāng --ê tsū-kak mā bô. bûn hing khiā tī mài  kā tin-kuì bu̍t-tsióng khîng-hun –ê siūnn-huat, kuat-tīng tsò tsi̍t-pái hó-lâng. )

晚宴上，大大細細的石虎陸續來到，坐佇咧席上開懷啉酒，一觸久仔著啉甲醉茫茫。

(buán-iàn siōng, tuā tuā sè sè –ê  tsio̍h-hóo lio̍k-sio̍k lâi-kàu, tsē tī-leh si̍k siōng khai-huâi lim tsiú, tsi̍t-tak-kú-á tio̍h lim kah  tsùi-bâng-bâng)

啉酒醉的石虎佮文馨相拔肩，閣唱起歌來。

(lim chiú-chùi –ê  tsio̍h-hóo kah  bûn hing sio-pua̍h-king, koh tshiùnn khí kua lâi)

「嗷嗷嗷，我是石虎嗷嗷嗷~」

(ka̍uh ka̍uh ka̍uh,  guá sī tsio̍h-hóo ka̍uh ka̍uh ka̍uh~)

一暝過去，石虎醉到東倒西歪，睏毋知人，滿是醉意的文馨看著𪜶的模樣，擋袂牢提起畫筆狡怪朝𪜶的面上數個仔畫鬼面。

 (tsit-mê kuè-khì, tsio̍h-hóo tsuì kah tang-tó-sai-uai, khùn m̄ tsai lâng, buán sī tsuì-ì –ê bûn hing khuànn tio̍h in –ê bôo-iūnn, tòng-bē-tiâu thê khí uē-pit káu-kuài tiâu in –ê bīn siōng siàu-ê-á  uē kuí-bīn. )

無想著，文馨的畫筆有魔力，予畫著鬼面的石虎全部必須隨文馨轉厝！！！

(bô-siūnn-tio̍h, bûn hing –ê uē-pit ū môo-li̍k, hōo uē tio̍h kuí-bīn –ê tsio̍h-hóo tsuân-pōo pit-su suî bûn hing tńg--tshù!!!)

自按呢了後，文馨的日子過著四序又閣煩惱，譬論講，畫畫時總有石虎徛邊仔捀茶倒水，盡心盡力服侍，但閣有幾隻槌槌的小石虎無細膩佇畫布上留下跤印，文馨想欲起歹面，猶毋過看著小石虎無辜閣古椎的眼神，脾氣攏發袂出來啦。

(tsū-àn-ne liáu-āu, bûn hing –ê ji̍t-tsí kuè tio̍h sù-sī iū-koh huân-ló, phì-lūn kóng, uē uē sî tsóng ū tsio̍h-hóo khiā pinn--á phâng-tê tó tsuí, tsīn sim tsīn li̍k ho̍k-sāi, tān koh ū kuí tsiah thuî-thuî –ê sió tsio̍h-hóo bô-sè-jī tī uē-pòo siōng lâu hā kha-ìn, bûn hing siūnn-beh khí-pháinn-bīn, iáu-m̄-koh khuànn tio̍h sió tsio̍h-hóo bû-koo koh kóo-tsui –ê gán-sîn, phî-khì lóng huat bē tshut lâi là.)

哎喲喂，這群石虎~~

(ai-iō-uê, tsit kûn tsio̍h-hóo~)

逐家講，文馨欲按怎卡好？

(ta̍k-ke kóng, bûn hing beh an-tsuánn khah hó?)

***

按呢，當初時請文馨鬥參仝的石虎敢有隨文馨轉厝呢？

(àn-ne, ng-tshue-sî tshiánn bûn hing tàu-sann-kāng –ê tsio̍h-hóo kám ū suî bûn hing tńg--tshù --neh?)

答案是：是~~~

(tap-àn sī ：sī ~~~)

毋過伊的性地抑是遐爾仔娟塊塊，伊窟佇咧文馨厝內的膨椅上舐跤爪仔，斜目看彼幾隻槌槌的小石虎，鼻仔哼氣，「哼!真無想欲承認恁爸參𪜶幾個孝呆是共款的物種呢，嗷~」

(m̄-koh  i –ê  sìng-tē ia̍h-sī hiah-nī-á gián-tè-tè, i  khut tī-leh bûn hing tshù-lāi –ê phòng-í siōng tsīnn kha-liáu-á, tshiâ-ba̍k khuànn he kuí tsiah  –ê  sió tsio̍h-hóo, phīnn-á --hngh khuì, "--hngh! tsin bô-siūnn-beh sîng-jīn lín-pē tsham in kuí ê hàu-tai sī kāng-khuán –ê bu̍t-tsióng --neh, ka̍uh~)

——結束啦，感謝逐家——

(kiat-sok là, kám-siā ta̍k-ke)

參考資料：iTaigi愛台語、台語文/中文辭典

石虎圖片修改自永續新聞網

喜歡請在下方按五下Like！😀